قالت الإعلامية ريهام سعيد: “أنا عملت 6500 حلقة في حياتي منهم 2 بس عن الجن والعفاريت ووصلوا للعالمية”، مشيرة إلى أن غرفة المونتاج الخاصة ببرنامجها في القناة كان يخرج منها جن وعفاريت وأصوات، قائلة: “كنا راجعين من أوردر لقرية بتولع نار وتطفي لوحدها لقينا المصور بطنه اتنفخت جدًا وبدأ يعرق جدًا أنا مكنتش مقتنعة أن في جن والكلام دا وصلنا القناة لقينا الماتريل كله اتمسح”.
وأضافت “ريهام” في حوارها لبرنامج “شيخ الحارة والجريئة” مع المخرجة إيناس الدغيدي على فضائية “القاهرة والناس” أمس الأربعاء: “لما جينا تاني يوم المفروض غرف المونتاج بتاعتنا كانت مقفولة بالمفتاح قالولنا بالليل كان بيطلع أصوات وصريخ من أوضة المونتاج وفضلنا فترة كده، مش أنا اللي بقول دول الأمن اللي كانوا بيبلغوا الإدارة”
وتابعت: “اتعملي عمل سفلي بوقف الحال.. ومش عارفه افكه.. وحالي واقف بقالي ٥ سنين”، مشيرة إلى أنها لا تصدق ولا تقتنع بهذه الأعمال، إلا أن 4 أشخاص أكدوا لها هذا السحر، كما انها تعرضت لموقف اخر من قبل الجن خلال تصوير مسلسل في احدى البلاد العربية، قائلة: “الجن ضربني بالطوب أنا وأحمد بدير وخربش بدير وصحاه من النوم”.
Leave a Reply