حلو الفن – الفنانة المصرية كارولين عزمي تنشر فيديو لحظة تعرضها للتحرش.. شاهد

كشفت الفنانة المصرية كارولين عزمي عن تعرضها للتحرش من قبل شخص ما أثناء قيادتها للسيارة.

ونشرت عزمي مقطع فيديو للحادثة عبر صفحتها الشخصية على مواقع التواصل الاجتماعي انستغرام وعلقت قائلة: “مساء الخير، أنا اللي يعرفني أو متابعني عارف إني شخص مالوش في المشاكل ولا عمري شاركت مشكلة تخصني سوشيال ميديا، باختصار النهاردة كنت في عربيتي وجنبي عربية فيها واحد كسر عليا، كل اللي عملتوا إني بصتله وبصيت قدامي فلقيته بيكرر نفس الحركة تاني بإستظراف، روحت طلعت الموبايل وعملت نفسي بصور عشان أخوفه وأخليه يبطل يضايقني”.
واضافت: “اتفاجأت وهو بيقولي بتصوريني يا بنت … ساعتها اتخضيت وبدأت أصور بجد وإنتوا هتشوفوا في الفيديو الحركات اللي بإيده والشتايم، وبدأ يقولي تعالي ورايا والحقيقة إني مش عارفة أروح واره فين أو كان عايز يعمل إيه ولاني اتوترت وخوفت ساعتها مقدرش أصور ١٪؜ من اللي عمله الشخص ده”.
واختتمت قائلة: “أنا اتشمت واتهانت واتشمت بأهلي بأقذر الشتايم النهارده من حد معرفوش ولا عملتله حاجة ولا فتحت بوقي لمجرد إنه شخص مريض، أكيد الشخص ده أذى بنات كتير لأنه تقريبا متعود على الحركات دي ومتعود يخوفهم ومش همه حتى إنه يتصور ويتفضح، أنا عايزة حقي يرجعلي”.