خلافاً لتصريحاتها السابقة الرافضة لتكرار تجربة الزواج، كشفت الفنانة إلهام شاهين عن ترحيبها بتوقعات خبيرة تاروت لها بالارتباط وزواجها خلال العام الجديد 2023، وقالت إنها لا تغلق الباب وتنتظر علاقة عاطفية سعيدة.
أضافت إلهام شاهين في مداخلة مع برنامج “بنت البلد” الذي تقدمه الفنانة نشوى مصطفى: ده خبر رائع، وأنا منتظرة هذه العلاقة العاطفية السعيدة، ويارب ادعولي تبقى سنة سعيدة.
وتابعت: لو لقيت الشخص المناسب، مفيش ست تقدر تعيش من غير راجل، ولا راجل يقدر يعيش من غير ست، دي الطبيعة إللي ربنا خلقنا بيها، لكن كل واحد يلاقي مين مناسب ليه، يوم ما يكون فيه شخص مناسب جداً ومش مناسب لي أو العكس ويوم ما هيجي أكيد مش هقول لأ.
وواصلت قائلة: الشخص الضعيف مش هيقرب وهيخاف يقرب مني.
وأعلنت إلهام شاهين، انسحابها من المشاركة في موسم المسلسلات المصرية لرمضان 2023، بعد اعتذارها عن المشاركة ببطولة مسلسل “حضرة العمدة” أمام النجمة روبي، وقالت إلهام إن شروط السوق حالياً لا تتوافق مع شروطها، لأنها تصر على قراءة سيناريو العمل كاملاً قبل التعاقد رسمياً.
أضافت إلهام شاهين خلال حوارها مع قناة DMC، على هامش حفل افتتاح مهرجان القاهرة السينمائي: أنا مش هكون موجودة في رمضان إللي جاي، لأني جبانة شوية وبحب يكون معايا كل حلقات المسلسل.
وتابعت: مبعرفش أدخل أصور وأنا معايا 8 أو حتى 10 حلقات من 30 حلقة، بحب أفرغ دوري وأبقى فاهمة أنا حجمي إيه في العمل من كل إللي حواليا، وأدرس العمل، وأنا متعبة شوية في شغلي وده بيتعب المنتجين مني مش قادرة أجاري السوق، ولكني كنت أتمنى أبقى موجودة.
Leave a Reply