تواصلت النجمة هنا الزاهد للمرة الأولى مع جمهورها في العام 2023، وقدمت عدة تصريحات جريئة رداً على استفسارات منهم، أبرزها اعترافها بعدم مسامحة أي شخص تعرض لها بالأذى، ونفت أن تكون الشهرة قد غيرتها لافتة إلى أنها لا زالت تحتفظ بنفس صفاتها، وقالت إنها إنسانة مسئولة عن كل شخص في حياتها الشخصية.
هنا الزاهد كانت صارمة عندما تلقت سؤالا يقول “هل ممكن تسامحي حد حتى لو أذاكي كتير؟، لترد بحزم: “لا”.
ورداً على سؤال: بتحبي تكوني إنسانة مسئولة عن حاجات ولا لأ ؟”، قالت هنا: “بحس إني إنسانة مسئولة جداً عن كل اللي حواليا، وبحب ده جدا، ومقدرش أكون غير كدة”.
وقالت هنا الزاهد ردا على سؤال “إيه أكتر حاجة بتشدك في الشخص اللي قدامك أو بتلفت نظرك؟”: “الطاقة الإيجابية الأول والطيبة”، وقالت ردا على سؤال آخر أنها تكره الشخص الكذاب.
وحول أكثر صفة تحبها في نفسها قالت الزاهد: إني بسامح كتير ومش بفتكر الأذية، ودائما أفتكر الحاجة الحلوة اللي الإنسان عملها لي حتى لو هي بسيطة.
وتلقت الزاهد سؤالا يقول “هل الفن غير في شخصيتك؟”، لترد هنا: “خالص، أنا زي منا وشخصيتي هي هي من أيام الجامعة والمدرسة، ودائما الناس يقولولي أوعى تتغيري وده اللي بحاول على قد ما أقدر أخد بالي منه”.
وكشفت عن أعمالها المنتظر عرضها قريبا بقولها: إن شاء الله مسلسل (سيب وأنا سيب) على شاهد.
وحول أعمالها المقرر تصويرها مع بداية العام 2023 قالت هنا: أنا لسه راجعة من لبنان، مخلصة تصوير مسلسل، وفي فيلمين مخلصة تصويرهم بس لسه منزلوش، فأظن هاخد إجازة لنفسي شوية.
وصدمت الزاهد جمهورها بعد إعلان توقف مشروع تصوير جزء ثاني من مسلسلها (أنا وهي) ؟ “، وقالت: كان فيه جزء تاني بس اتلغت الفكرة وقولت أعمل مسلسل جديد وقصة جديدة اللي هينزل قريب على شاهد.
وردا على استفسار فيه جزء تاني لمسلسل حلوة الدنيا سكر؟ “، قالت هنا: “كان عندنا فكرة إننا ناخد حدوتة منهم نعملها مسلسل كامل”.
Leave a Reply