حلو الفن – منة فضالي تعلن اختفاء “مساعدتها الشخصية”

طلبت الفنانة منة فضالي المساعدة في العثور على مساعدتها الشخصية، التي اختفت منذ 48 ساعة قبل وصولها لموقع التصوير، ولم يعثر على أثر لها داخل المستشفيات أو أقسام الشرطة، وقالت إن المساعدة كانت في طريقها لمدينة الإنتاج الإعلامي تستقل سيارة أجرة، وفجأة أغلق هاتفها.

منة نشرت الاستغاثة عبر حسابها على موقع الفيس بوك قائلة: صباح الخير عليكم جميعا انا للأسف في موقف مش عارفه اتصرف فيه المساعدة بتاعتي اختفت وهي جايلي على التصوير من اول امبارح وكل ده اهلها بيدور عليها في المستشفيات والاقسام.

تابعت رواية القصة قائلة: واخر حاجه كانت راكبه اوبر وكانت جايالي على المدينة بعديها تليفونها اتقفل ومن الساعة ٦ المغرب وافتتحت دقيقه الساعة ١٢ بليل معرفناش نعمل حاجه واستنينا يعدي ٢٤ ساعة علشان نعمل محضر بعض المستشفيات هي مش موجودة فيها.

وأضافت: والواضح انها اتخطفت وحقيقي انا مش عارفه اعمل حاجه ودي اول مره معرفش اتصرف فا اللي يقدر يساعدني يبقي كتر خيرو هي ساكنه في الزاويه وللاسف معنديش تفاصيل لا رقم العربيه الاوبر لانها كانت مش ظاهره ولا اي حاجه، رجاء اللي يقدر يعمل حاجه يبقي كتر خيره.

وتلقت منة عدة نصائح بتتبع الهاتف المحمول، وإبلاغ الشركة الخاصة بالسيارة الأجرة بالواقعة لمراجعة خط سير المساعدة، بينما اقترح البعض نشر صورتها حتى يتمكن كل من يعرف معلومة عنها من التواصل مع أسرتها.