حلو الفن – جوري بكر تنفي طلاقها: حسابي اتهكر.. زوجي رجل محترم

نفت الفنانة جوري بكر ما كُتب عبر حسابها بتطبيق Instagram عن طلاقها من زوجها رامي محمد أحمد.

قالت جوري في تسجيل صوتي نشره برنامج “ET بالعربي”: “واحدة مش محترمة الله اعلم مين أو واحد مش محترم، أنا فجأة مش عارفة أدخل على حسابي، وبكتب كلمة السر أكثر من مرة، وتذكرته بعد فترة، ووجدت كل القرف دا نزل عندي، دا غير ان في رسائل وفولو لزوجي وهو مش عارف جاي له منين من بنات، وسألت حد قالوا لي أنه حد نزل حساب جوزي وكاتب أنه حساب طليق جوري بكر”.

ونشرت جوري عبر حسابها بتطبيق Instagram: “أنا مش قادرة اتكلم واعصابي تعبانة، شكرا جدا لكل الناس اللي تواصلت معايا، وحسبي الله ونعم الوكيل في كل واحد أو واحدة عايزين ينتقموا مني بالطريقة القذرة دي، الأكاونت اتهكر وفي ثانية حصل كل اللي حصل”.

وتابعت: الاستاذة بسمة وهبة وضحت لا يجوز الطلاق للست الحامل، اشكركم وقدر الله وما شاء فعل، أنا جوزي رجل محترم ومعتقدش أنه يعمل معايا حاجة زي كدة، شكرا.

وكان مكتوب عبر حساب جوري بكر بموقع Instagram: “وجعل بينكم مودة ورحمة، تم الانفصال بيني وبين الرجل المحترم زوجي، وأتمنى له كل خير، أرجوكم مش عايزة حد يتواصل معايا في اي تفاصيل لأني مش هرد على مكالمات، شكرا”.

يذكر أن جوري أعلنت زواجها في مارس 2023، على رجل من خارج الوسط الفني، وكشفت عن حملها بجلسة تصوير أوضحت بطنها المنتفخة.