حلو الفن – أنغام لجمهورها في مهرجان العلمين: نفسي أقرّب لكم وأسلّم على كل واحد

أحيت النجمة أنغام حفلًا ضمن فعاليات مهرجان العلمين الجديدة، وسط حضور جماهيري كبير.

وأعربت أنغام سعادتها بالمشاركة في مهرجان العلمين قائلة: “بقالي كتير ماغنتش في المنطقة الرائعة اللي إحنا فيها النهاردة في الساحل الشمالي المصري، ومبسوطة أوي لأن ده من أجمل المناطق اللي أنا بحب أعيش فيها وأكون موجودة فيها”.

وأضافت مخاطبة جمهورها: “حضوركم النهاردة زود المنطقة جمال وزود العلمين جمال، وأنا ببارك لمصر على العلمين الجديدة، وأبارك لنفسي كمصرية على الجمال اللي إحنا شايفينه النهاردة، اللي زاد بحضوركم جدا”.

وتابعت: “أشكركم جدا على حضوركم، نورتوني ووحشتوني، وباعديني أوي عنكم، كان نفسي أقرب شوية، عايزة أسلم عليكم واحد واحد”.

وكانت أنغام صعدت لمسرح الحفل ، حيث كانت بانتظارها الفرقة الموسيقية بقيادة المايسترو هاني فرحات وعدد كبير من الجمهور.

ومع وصول أنغام، أضاء جانبا المسرح ووسطه بلقب “صوت مصر” واسم أنغام، ليستقبلها الجمهور بحفاوة بالغة، ولتقدم بعدها أولى أغانيها في الحفل “ونفضل نرقص”، من كلمات وألحان عزيز الشافعي، وتوزيع وسام عبد المنعم.

وخلال تواجدها على المسرح، كان لأنغام تعليق طريف على فقاقيع الصابون التي أحاطت بها، ضمن تجيهزات العرض المصاحب لها.
وقالت أنغام ممازحة المسؤول عن إطلاق فقاقيع الصابون: “أنا بحب لعبة الصابون، بس لما بتيجي في العين بتعمل مشكلة وبتحرق، يا نلعب مع بعض يا متلعبش لوحدك، إديني واحدة ألعب بيها”.
وأضافت: “أو تحذرني قبل ما تعمل كده لو سمحت”.

ونقلت شبكة تليفزيون الحياة حفل النجمة أنغام على الهواء مباشرة من مدينة العلمين الجديدة، وتقدمه الإعلامية جازمين طه زكي.