في لقاء ضمن برنامج “عندي سؤال” من تقديم محمد قيس عبر قناة “المشهد” على يوتيوب، تحدثت ديمة بياعة عن حياتها الشخصية ومشاكل زواجها الأول، كما عبّرت عن رأيها بالدراما العربية المشتركة وما قدمته للنجوم اللبنانيين من إنتشار عربي.

أيضاً تحدثت ديمة عن رأيها في الجزء الثالث من الفصول الأربعة، وتناولت زملاءها في العمل وسبب تغيّر نفسيّات بعضهم بعد الحرب في سوريا.

بعد تصريح ديمة حول الدراما المشتركة وما قدمته من انتشار عربي لنجوم لبنان، ردّت ورد الخال عبر السوشيال ميديا.

وكتبت ورد عبر حسابها الخاص على منصة إكس : “والله كنا موجودين بالأعمال السورية قبل المشترك، بس الناس بينسوا، او ما بيعرفوا”.

تابعت: “هذا كان دليل انو البعض منا كان معروف من اول انطلاقنا لهيك اشتغلنا مع نجدة انزور وهيثم حقي وحاتم علي وهشام شربتجي ( مع حفظ الالقاب) ف يا ريت الناس تبحث ع غوغل عن هذه الاعمال قبل الأحكام والتجريح”.

وقالت ديمة أن الدراما العربية المشتركة ساعدت اللبنانيين على الإنطلاق نحو النجومية لتقول : “ما ساعدتنا نحنا السوريين ساعدت النجوم اللبنانيين لينطلقوا وينعرفوا”.

أضافت : “بياخدوا العقل ورفقاتي كلن نادين وسيرين، سيرين عاملة قبل، خيليني شيل سيرين لأنو شاغلة قبل، بس نادين كان أول عمل إلها لو”.

وعند سؤال محمد قيس عن إذا ما كان مسلسل “لو” ساهم بانتشارها عربياً أجابت : “أنا كنت عاملة إنتشار عربي من قبل لو، كنت عاملة صبايا، في أكتر من صبايا عمل انتشار عربي؟؟، أنا لليوم بينادولي نور”.

أيضاً تحدثت ديمة خلال اللقاء عن تغيير كبير حصل في نفسيات الممثلين، بعد أن أصبح كلّ واحد منهم يعتبر نفسه نجم صف أول.

ديما قالت : “قبل الـ2013 كان ممكن تجمع باسل خياط وقصي خولي وقيس الشيخ نجيب ومحمد الأحمد وكل الشباب بعمل واحد، ولا واحد يقلك ليش جامعني”.

تابعت : “نفسياتهم تغيرت، هلأ صار كل واحد هو نجم صف أول لحالو، ما بيصير حدا يشاركوا، بيتخانقوا عالأسماء يا زلمة، جبلي مخرج هلأ يقدر يجمعلي هادول”.

ثم قالت أن النساء أيضاً أصبحوا كذلك: “قبل ما كنا هيك، الفصول الأربعة وقت ما عملناه، وكتير أعمال غيرو، كانوا يجتمعوا متل (غزلان في غابة الذئاب) لي جمع أمل عرفة وقصي خولي وكلنا كنا نجوم بوقتها”.

وعن الجزء الثالث من الفصول الأربعة قالت : “الفصول الأربعة بجزئه الثالث المقترح لا يصلح دون يارا صبري و جمال سليمان”.

أما عن زواجها الأول من تيم حسن، كشفت ديمة أنها ضحّت كثيراً لتقول: “أنا ما كان عندي حياة مع الزوج الأول، ولا مهنياً، أنا ضحيت كرمال الطرف التاني يصير ويصوّر ويكون مرتاح”.

تابعت : “ما بندم كسبت ولادي، ما ضيّعت لحظة من عمرن، الشغل بيجي إيمتى ما كان”.

ثم قالت : “إسمي كان أهم من إسم تيم حسن أول ما بلش، وما بحب إتقارن بحدا، هلأ هو أهم بالنسبة للعالم، بس بالنسبة إلي إسمي هو أهم إسم بالعالم، إسمي كإمرأة وأم عملت شغل كتير منيح ومحافظة على كتير قصص وقدوة لكتير نساء أهم من أي شي تاني”.