حلو الفن – كارمن لبس مستمرة في حب زياد الرحباني: “كل الجمل عم تنتهي فيك”

اختارت الممثلة اللبنانية كارمن لبس طريقتها الخاصة، على غرار علاقتها بزياد الرحباني، لتوجيه رسالة مؤثرة تزامناً مع مرور 60 يوماً على رحيله.

ونشرت لبس كليباً من إخراج عبادة شعراني، واختارت كلماتها من تأليف سليم ديك، جاء فيها: “بتعرف بس تعيش وهم إنك طويت صفحة حبك الأول وفجأة تكتشف إنو الصفحة بعدا مفتوحة مع جروحاتها؟ صرلي سنين عم قول اتخطيت، بس بنفس الوقت عم إسأل ليه؟ آخر ليه كانت ليه ما بدك تشوفني؟ عرفت بعدين وبعد فوات الأوان إنو ما بدك شوفك هيك، يمكن ما كان بدك تشوفني وأنا عم شوفك هيك”.
وأوضحت كلمات لبس سبب رفض الرحباني رؤيتها في المرحلة الأخيرة من حياته، حين عانى من مشكلات صحية حرجة في الكبد.

وأضافت في الكليب، الذي كشف مجموعة صور نادرة جمعت الثنائي وأصدقاءهما، إلى جانب رسائل بخط اليد: “اشتقتلك، وعرفت إنك اشتقتلي بس ما قلتلي، قالولي بقيت تسأل عني، بس يا ريت سمعتها منك. قلتلك بغيابك فضي البلد، بس شي إنت رحت، حسيت أنا فضيت، حسيت كل شي بقي معلق”.