بصراحة كبيرة كشفت الفنانة غادة عبد الرازق عن سنها ووجهت رسالة لكل السيدات.
وقالت غادة عبد الرازق خلال لقائها في برنامج “كلام نواعم”: “عمري في حياتي مسألة السن دي ما شغلتني، في بداياتي كنت بطلع في أي برنامج وأقول عمري”.
وتابعت غادة عبد الرازق: “أنا دلوقتي لما بقول سني الحقيقي أولا أنا بدي رسالة لكل ست أن شكلك يبقى زي شكلي وأن تخلي بالك من جسمك زي ما أنا بخلي بالي من جسمي أنك لما تكبري مفيش حاجة اسمها تتخني وشعرك يبيض، أنا عندي 55 سنة أبقوا زيي أنا معملتش حاجة غريبة ولا زيادة ولا اتسحرلي ولا رحت عملت عمليات أنا بعمل كل الأمور الطبيعية وبحافظ على نفسي ليه متبقيش زيي”.
على جانب آخر، تغيب غادة عبد الرازق عن موسم رمضان 2026 بعد حدوث خلافات بينها وبين شركة إنتاج مسلسل “عاليا” الذي كانت ستشارك به.
وأعلن مكتب ياسر قنطوش، المحامي والمستشار القانوني للفنانة غادة عبدالرازق، بدء تحرك قانوني ضد الشركة المنتجة لمسلسل “عاليا” (سابقا “سما”)، المقرر عرضه في موسم رمضان المقبل؛ وذلك لعدم التزامها ببنود التعاقد وتأجيل تصوير المسلسل أكثر من مرة منذ الاتفاق المبرم بتاريخ 15 يناير 2025، دون مبرر.
