نفت الفنانة دينا قيامها بعمليات تجميل خاصة في جسدها موضحة أن العملية الوحيدة التي قامت بها هي أنفها.
وقالت دينا في فيديو نشرته عبر حسابها على Instagram: “إنتي عامله كام عملية تجميل دا سؤال كل الناس بتسأله وبيقولولي في وشي، هو طبعا البني أدمة الطبيعية مبقاش حد بيصدقها لازم تبقى عاملة عملية تجميل، ما عادا أنا لما بشوف واحدة جسمها طبيعي ببقى فاهمة، كل الناس أي حد عنده حاجة حلوة يقولوا عملية يمكن لأنهم مش قادرين يحافظوا على نفسهم أو لأنهم مش عايزين يعملوا مجهود فبالتالي أحسن لي أقول اللي قدامي مش طبيعية بدل ما أقول أنها طبيعية وأنا اللي فاشلة محافظتش على نفسي وملعبتش رياضة واتهم اللي قدامي وأخلص منها”.
وتابعت دينا: “الحقيقة إن أنا مش عاملة عمليات تجميل إلا عملية واحدة وهي مناخيري وعملتها من 4 أو 5 سنين مش من وأنا صغيرة وعملتها لأن غضروفي سقط والتصوير هيطلع مش مظبوط بس عملت مناخيري بنفس شكلها القديم لأن أنا بحب الطبيعة”.
وأضافت دينا: “بحب الجسم الطبيعي وبشوف أن العمليات بتاعة الأجسام كلها باينة وأنا بالنسبالي التجميل يعني حاجة تتعمل ومتبانش مش حاجة تتعمل وتبان، لكن لما تبقى باينه أوي أنك عاملة عملية تجميل طيب فين الحلاوة أنا مش عاملة عمليات تجميل وأنا عارفة أن كلكم بتقولوا عاملة عمليات، مش فارق معايا ما مش أنا الوحيدة اللي هبقى عامله بس ببقى مبسوطة إني عارفة أحافظ على نفسي والناس فاكرة إني عاملة عمليات يبقى لازم أخد جايزة”.
واختتم دينا حديثها: “يا جماعة الجمال مش سهل عشان الناس تحافظ على نفسها لازم تتعب”.
