فتشت بين الورد ولقيتك
وبرموش عيني عطر لميتك
واحترت وين بروح وبخبيك
وخوفي إذا شي يوم شميتك
من شمتي أجرح شعور لـ فيك
عا زهوتك بالعين خليتك
وحياة طهر لـ فيك شو بسميك
خمرة بخوابي الفكر عبيتك
علمتني أكتب على روابيك
وعا قد حب الحب حبيتك
شعلت روحي زيت تا دفيك
وبين الصدر والروح خبيتك
تا تضل جواتي وأنا احميك
لا تضهر من الروح وصيّتك
أسمك سفينة شعر و شواطيك
بتضل فرصة عمر للشعار
من هيك فرصة عمر سميتك
