حلو الفن – حنين – بقلم الشاعر كرم أبو حرب

كيفِك قوليلي كيف اخبارِك
مشتاق ليكي و ذايب بنارِك
ليلي سهر والشوق بعيوني
حلّلوا بقلبي يطلع نهارِك
بسرح بفكري وين بتكوني
ببعث حنيني يسكن بدارِك
بسرق نظر بعيون مجنوني
بسقي بدمعي روض اقمارِك
بعزف اغاني بلحن قانوني
بدوزن حسب نغمات اوتارِك
بتهب فيي رياح مجنوني
بعمل انا ومخدتي معارِك
بحارب حناني بلعن ظنوني
برجع ظنوني بلوعتي بشارِك
متل الفقير اشتقت للموني
ملهوف رد الروح وخمارِك
واعصر من عناقيد سكروني
واسكر بطيب الخمر بجرارِك
ومشتاق فلفش كل اسرارِك
ومتل النسيم اشتقت لزرارِك