حلو الفن – ” غير الصَلا ما عاد في بـ الإيد” – بقلم نقيب الممثلين السابق الشاعر جان قسيس

مع تحديات وتداعيات فيروس  كورونا الذي يزداد سوءًا في لبنان، قدم الكاتب والشاعر والممثل جان قسيس نقيب الممثلين سابقًا قصيدة تعكس حقيقة الواقع المر الذي يُسببه كورونا من ضحايا وإصابات وجاء مطلع القصيدة كالآتي:

كان التَحَدي شيمِة الأَبطال
واليوم ما عاد التَحَدي يْفيد
سُبحان ألله مْغَير الأحوال
وصار الحِمِل عَ كْتافنا بيزيد
الصُلبان صارو بْهَالزمان تْقال
وكل يَوم عَم نِشهد عَذاب جديد

كِتر الحَكي ما فاد واللي نْقال
غَير الصَلا ما عاد في بِ الإيد
يا رب صاير هالوَطَن مَقهور
يِبْسِت بِ بِستانو الحِلو لِ زْهور

والنار عَم بِتْهِب قِدامو
شو صَعب لما هَالزمان يْدور
وْيُخْسَر شَعِب لِبنان أَحلامو
كِلو بْسَبَب لَعْنِه وْشَهادِةْ زُور
وقِلة ضَمير بْراس حِكامو”.