حلو الفن – لقاء الخميسي ترد على منتقدي توجهها للغناء: لا أعتبر نفسي مطربة

واجهت الفنانة لقاء الخميسي  الأصوات الرافضة لاحترافها الغناء، وعزمها تقديم حفل غنائي كبير قريبا، مؤكدة أنها بالأساس ممثلة وعملها يفرض عليها إتقان الغناء والرقص، وتعتبر نفسها مؤدية أكثر منها مطربة، وتشعر بالرضا عن صوتها وإحساسها بالإيقاع الموسيقي.

أضافت لقاء الخميسى، فى مقطع فيديو نشرته على صفحتها بموقع الفيس بوك، إن الممثل المفترض يجيد فى التمثيل والغناء، وكذلك الرقص وكل شىء له علاقة بالفن.

وتابعت : الناس اللى بتسأل عشان حفل ساقية الصاوى وبتقولى إنتى مغنية ولا ممثلة هو لما أنتى ممثلة ليه بتغنى؟.. العادى أن أى ممثل المفروض يكون لما يتطلب منه يغنى يغنى ولما يطلب منه يرقص يرقص.. مشفناش عمرنا ممثلين بيغنوا أبدا؟!”.

وواصلت قائلة: أنا بعتبر نفسى بغنى كويس ومؤدية كويسة … والممثل المفروض يكون بيعمل كل حاجة وأنا بحب الغناء.. وفى فرق بين المطرب والمطربة ومغنى ومؤدٍ .. بس الموضوع بسيط وبعدين اللى نفسه يعمل حاجة بيحبها ميعملهاش ليه وهو شاطر فيها وأى حد بيحب حاجة يعملها.

وأردفت قائلة: أنا بحاول أرسم اليومين دول وبرسم عادى وبغنى وبعزف وبرقص.. دى حاجة طبيعية فمش عارفة الأزمة فين.