حلو الفن – ريهام سعيد تعلن إصابتها بمرض مزمن: غلطة ودفعت ثمنها غالي

كشفت الإعلامية ريهام سعيد ، عن تدهور جديد في حالتها الصحية مشيرة إلى أن الفحوصات الطبية أظهرت إصابتها بمرض السكرى، وقالت إنها تتحمل مسئولية الإصابة بهذا المرض لأنها حملت نفسها فوق طاقتها في الفترة الماضية.
وقالت ريهام في مقطع فيديو عبر حسابها بموقع الفيس بوك: كنت دايما بتكلم عن الصحة وأقول أنها أهم حاجة، وطلع الصحة مربوطة بالحياة اللى انت تختارها، طلعت تحاليلي مافيش أوحش من كدة والحمد لله، وهو من التحاليل اللي ضايقتني أوي بخصوص السكر”.

وأضافت: أنا اكتشفت أن جالي سكر ودي حاجة لا ألوم عليها حد غير نفسي، لأن أنا اللي حملت نفسي فوق طاقتي وكنت دايما بقول أن ربنا مش بيدي حد حاجة غير على قد طاقته..

تابعت قائلة: السكر للأسف حاجة بشعة ولازم تحارب وما تاكلش وما تزعلش ودى حاجة صعبة أوى وسط اللى بنعيشه حاليا، لأن إحساس الظلم أكتر حاجة بتوجع وبتضايق.

 واختتمت رسالتها بقولها: وعاييزة أنصحكم ما تجوش أبدا على نفسكم ومفيش حاجة مستاهلة لأن كله بتدابير ربنا، وأهم حاجة لو ليكم أعداء زى ما الرئيس قال: لما تكون عايز ترد على منتقديك ما تقعدش ترد على كل واحد.