حلو الفن – زين كرزون ترد على المتنمرين بتعليقات “يا بقرة.. يا ناصحة.. ما أقرفك”

قامت مشهورة مواقع التواصل الاجتماعي النجمة الأردنية زين كرزون شقيقة المغنية ديانا كرزون بتوجيه رسالة إلى المتنمرين، بالتوقف عن هذه العادة السيئة.

قالت كرزون فيمقطع فيديو: “للناس اللي عم يتنمرون عليا بسبب فيديوهاتي ويقولون علي يا بقرة.. يا ناصحة.. يا دبة.. ما أقرفك، بدي أقولهم شيء صحتي وحياتي أهم بكثير منكم ومن الالتفات لكلامكم، أنا ما بيفرق معايا شو ما صار وشو ما قلتم”.

وتابعت: “انتم عم تؤذون مشاعرنا لكن أنا ما عاد بيهمني شيء، يمكن لأني اتعودت على مثل هاد الكلام اللي بلا طعمة، وأنا كثير بتجيني تعليقات وقحة ومو حلوة ولكني بتجاهلها لأني أهم شيء تفضل صحتي منيحة والحال كويسة وبتتأثر بالسلبيات”.

وأضافت:” صحتي أهم من شكلي بكتير وأهم شيء أهتم بيه بحياتي، صحتي أهم من تعليقاتكم ومن لبسي ومن تخني ومن ضعفي، وقبل فترة صار عليا تنمر وحكيت إني باخد دوا من 3 سنين زدت عليه 14 كيلو ودكتورتي وقفتلي إياه حاليا”.

وأشارت إلى أنها تتعرض للتنمر عندما يظهر “النمش” على جسدها، مردفة أنها لم تختر ذلك فهو من الله.