حلو الفن – هيفاء وهبي تطلب رفع الإيقاف عن حمو بيكا

للمرة الثانية تدخلت الفنانة اللبنانية هيفاء وهبي لدعم مطرب المهرجانات حمو بيكا، مطالبة نقابة المهن الموسيقية المصرية بحل مشكلته مع تصريح مزاولة مهنة الغناء، في أقرب وقت ممكن، وقالت هيفاء إنها لا تمانع في تقديم أغنية من كلمات بيكا.
ووجهت هيفاء وهبي رسالة مباشرة إلى حمو بيكا أثناء استضافته ببرنامج مصر جديدة الذي تقدمه المذيعة إنجي أنور: لا متركزش في الهجوم واعمل أغاني حلوة وافرضها والناس بتحب الحاجات الحلوة ومنك أنت بالتحديد، والناس بتنسى أي هجوم لما بتعملهم حاجة حلوة.

وأضافت: الموسيقى دي بتعيش الناس في مود تاني والاختلاف مطلوب وأنت مختلف أنا مكنتش بستحمل أوي الهجوم وكنت لسه صغيرة ومعنديش خبرة وبتعلم مع نفسي، ولكن اكتشفت إن الناس مش هي اللي بتهاجمك لكن فيه ناس شغلتهم الهجوم مش ضروري يكونوا فنانين ولا جمهور، ولكن حمو إنسان ناضج وهو سند لعيلته ومش عايز حد يهز السند ده.

وتابعت الفنانة اللبنانية: أي فنان لما بيركز في شغله بيلاقي إن الشغل هو اللي بيدافع عنك وهو اللي بيجبلك ناس تحبك وتشجعك وتدعمك، حمو أنت بريء ودمه خفيف، أنت موجود عشان تبسط الناس مش لما تطلع تتكلم في مشاكل، الناس بتروح على اللي بيقدم الحلو بس، واتعرضت لهجوم وناس فهمتك غلط وده بيحصل، بس أنت عندك سلاح أقوى من كل ده هي إيرادتك إنك تعمل أغنية حلوة تبسط الناس.

ليرد حمو بيكا على هيفاء وهبي، قائلًا: محتاج أقف قدام جمهوري ويتبسطوا مني ويسمعوا شغلي، وبيقطعوا لقمة عيشي من أي حاجة في مصر.

واستكملت هيفاء وهبي: أستاذ هاني شاكر بحترمه جدًا وأعرف إني بياخد قرارات بالإجماع، وأكيد مش بيمنع الفن الجميل أو أغنية جميلة بلحن حلو ولا يمنع النجاح والرزق عن حد، هو عايز يصلح الواقع حصل فيه شوية فوضى، والمفروض نروح نصلح وجهات النظر عشان نحل المشكلة، وتطالب بفرصة جديدة، وممكن أغني من كلماته، وأنا مع الأغنية الحلوة اللي تعجب الناس.

وسبق أن دافعت هيفاء عن حمو بيكا في شهر أغسطس من العام الماضي، عندما تعرض لهجوم على مواقع التواصل الاجتماعي بسبب حفلاته في الساحل الشمالي، وتم تداول مقطع فيديو للنجمة اللبنانية من حفلها بشاطئ كريستال بالاس بالعلمين الجديدة، وظهرت وهي تبحث عن مطرب المهرجانات حمو بيكا، وقالت أمام الجمهور أنها تشاهد مقاطع الفيديو المنتشرة لبيكا ومن أكبر معجبيه، وطالبتهم بعدم استفزازه بالردود المسيئة أو الساخرة.

هيفاء وهبي، ظلت تنادي في بداية المقطع على النجم أكرم حسني الذي شاركها كليب “لو كنت” وتبين أنها ترحب بالشخص الخطأ، وقالت إن الشخص المتواجد أمامها نسخة طبق الأصل من أكرم الذي كان متواجدا وقتها خلف المسرح.

وبعدها ظلت هيفاء تبحث عن حمو بيكا ووجهت له تحية خاصة مشيرة إلى أنها تحبه وتحب طريقته في الغناء وطلبت من جميع الحضور والمتابعين كذلك ألا يضايقه أحد.

وقالت هيفاء وهبي بعد أن رأته: حمو بيكا حبيبي محدش يزعله يا جماعة أنا بشوف فيديوهاته وساعات بتستفزوه.

حمو بيكا توجه نحو هيفاء وهبي لرد التحية ومصافحتها، ولكنها رفضت مد يدها للمصافحة إلا بعدما أطمئنت لحصول حمو بيكا على لقاح فيروس كورونا.

ونشر حمو بيكا عبر صفحته الرسمية على موقع الفيس بوك فيديو له برفقة هيفاء وهبي وهلق عليه قائلا: نجمتنا الجميله هيفاء وهبي من داخل حفلتها بالساحل الشمالي.