حلو الفن – شيرين عبد الوهاب بعد وصولها لدبي لإحياء حفلها: السمكة رجعت للبحر وعايزة المسرح مليان

وصلت النجمة شيرين عبد الوهاب قبل ساعات إلى دبي، حيث من المقرر أن تحيي حفلا غنائيا يوم الجمعة 28 إبريل الجاري.

وفي أول تصريحات لها بعد وصولها إلى دبي، أكدت شيرين سعادتها بالعودة لجمهورها منذ حفلها السابق في الكويت، ولقائها بجمهورها في دبي، حيث أحيت أولى حفلاتها الغنائية خارج مصر.

وقالت شيرين في مقابلة مع الإعلامي ربيع هنيدي وبرنامج ET بالعربي: “مبسوطة إني رجعت لحياتي، السمكة رجعت للبحر، وانتظروا كل جديد، وفي مفاجأة كبيرة بعد أيام في دولة كبيرة، الناس وحشتني أكثر ما أنا وحشتهم”.

تحدثت شيرين خلال المقابلة عن الفترة الماضية في حياتها قائلة: “أنا لو كنت إتأخرت على جمهوري فهي كانت ظروف نفسية أكبر مني، وكان الاختفاء جزء من نقاهة محتاجة لها من سنين، أنا باشتغل من وأنا سني 13 سنة، و25 سنة مشهورة، وده كان كبير عليا، كانت سنين حلوة كلها نجاحات وتنوع في البلاد اللي غنيت فيها، وكنت محتاجة أجازة بجانب ظروفي النفسية، لكن الحمد لله كجزء كبير تعافيت، وأكيد في لسه شوية حاجات نفسية تاعباني”.

وأعربت شيرين عن امتنانها لدعم الجمهور والفنانين لها في الفترة الماضية قائلة: “الحب والدعم والاهتمام اللي شوفته من الجمهور كان فوق الوصف، والفنانين كانوا زي الجمهور خايفين على شيرين وعايزينها ترجع لنشاطها، وده حب ربنا أكرمني بيه، وأنا تحت أمر الجمهور اللي شارك في مسيرتي وعمل شيرين عبد الوهاب”.

وأضافت: “كنت حريصة أعمل مقابلة علشان الناس تعرف إني وصلت دبي، علشان في بعض المشككين على السوشيال ميديا، وفي حاجات إدارية بتخلص وبعدها السوشيال ميديا الخاصة بي هترجع”.

وحول استعداداتها للحفل، قالت: “عملنا بروفات في مصر كتير، وفي أغنيتين جداد سيتم تقديمهم على المسرح، وأغاني كتيرة لم أقدمها في الإمارات وكله جديد”.

وردا على سؤال عن أعمالها الجديدة المقبلة، قالت: “عندنا شوية مشاكل إدارية مع شركة روتانا، والأغاني موجودة وطرحها سيكون بعد انتهاء هذه المشاكل”.

ووجهت شيرين رسالة إلى جمهورها كشفت فيها عن مفاجأة بقولها: “مستنياكم في الحفلة يوم 28، وعايزة الحفلة مليانة، علشان نفسي أشوفكم، وأكيد بناتي هيكونوا معايا على المسرح”.

🔴حصري : في أول ظهور إعلامي لها عبر ET بالعربي قبل حفلها في دبي ، شيرين عبدالوهاب : "أنا سعيدة بالعودة إلى حياتي والحفلات.. وحبكم واهتمامكم فوق الخيال"🤍

تابعوا اللقاء الكامل مع @sherine في الرابط : https://t.co/HhKOQhqcIZ pic.twitter.com/LrO5u2KT45

— ET بالعربي (@ETbilArabi) April 25, 2023