حلو الفن – هيدي كرم تنتقد قتل القرش بعد واقعة الغردقة: إحنا الجاني الحقيقي

علقت الفنانة هيدي كرم، على الفيديو الذي انتشر عبر مواقع التواصل الاجتماعي لـ سمكة قرش تلتهم سائحا روسيا في الغردقة.

وقالت هيدي كرم، في فيديو لها عبر حسابها على Instgram: “امبارح إحنا عشنا لحظات مرعبة وحزينة جدا على السائح الروسي الذي تم الهجوم عليه من سمكة القرش، الموقف مرعب ومحزن ومؤلم، الله يكون في عون أهله وأصدقائه والناس الذي شاهدت ما حدث للسائح».

وأضافت: “الفيديو يقطع ويوجع القلب واتقهرنا فعلا، والحل مش احنا نقتل القرش، دي سمكة جعانة بتدوّر على أكل، فهجومها على الإنسان أكيد كان له أسباب، وأنا أعتقد أنهم سببين، الأول المراكب التي تأتي محملة بالحيوانات وخاصة قبل الأعياد وحينما يموت فيها حيوان يرموه في البحر فهذا يفعل حالة هيجان للقروش”.

وتابعت هيدي كرم: “أنا اللي شوفته إن هما اصطادوا القرش وموتوه وضربوه بمطرقة على دماغه وبيدوله بوكس وبينتقموا منه إنتقام شديد جدا كأنه قاتل مجرم”.

وواصلت: “أكيد في حاجة حصلت في حياة القرش ده خليته يطلع على المياه الضحلة يدور على أكل هو مش غاوي لحم البني آدم هو بيهاجم البني آدم لأسباب معينة خصوصا في البحر الأحمر القروش مبتطلعش على الشواطئ فلازم نعرف إيه اللي خلاه يطلع على الشاطئ .. كان لازم نصطاده ونرجعه مكانه بس مكنش المفروض نعمل فيه كده”.

واختتمت: “احنا جردنا البحر من السمك خليته زي أرض صحراوية .. فالقرش جاع انت خدت أكله فطلع يدور على أكل لأنك ماشي تصطاد كده وخلاص بدون أي تحكم فإحنا السبب إحنا اللي عملنا كده فلازم نبص لنفسنا الأول إحنا الجاني الحقيقي”.