حلو الفن – شاهيناز: إعلامية لغت حلقتي معها لأن “معنديش ” فضيحة

كشفت الفنانة شاهيناز عن موقف غريب تعرضت له مع إحدى المذيعات التي رفضت استضافتها لأنها ليس لديها “فضيحة” تتحدث عنها.

وحكت شاهيناز خلال لقائها في برنامج “قعدة ستات” من تقديم مروة صبري عبر قناة “اليوم” ما حدث معها قائلة: “مقدمة برامج محترمة فريق إعدادها تواصل معايا وكلموني إني أكون ضيفة معاها ووافقت وظبط مواعيدي على هذا الأساس، لقيتهم بيكلموني قبل الحلقة بيومين بيكنسلوا الحلقة قولت لهم مفيش مشكلة لكن أعرف السبب، اتهربوا شوية لكن حد في بينا علاقة مهنية لطيفة كلمني قالي من غير ما تزعلي هي قالت لنا أصل هجيب شاهيناز أتكلم معاها في إيه هي ملهاش فضيحة ولا جواز وطلاق”.

وتابعت: “أقسم بالله دا اللي حصل، لغت الحلقة عشان مفيش فضيحة أنا مشتمتش حد مثلا ولا اتجوزت في السر ورجعت”.

وأكملت: ” أنا كنت تريند قبل ما التريند يبقى موجود، أنا غنيت أغنية من قبل ما المسابقة تخلص الناس كانت بتغنيها مش في مصر بس في الوطن العربي، مش هشتري نجاحي بفلوس وأنا نجحت بصوتي وموهبتي وبأغنية حلوة عملتها”.