حكت الممثلة والراقصة دينا عن طقوس تستعد بها قبل الرقص أثناء حلولها ضيفة في البرنامج الإذاعي “أسرار النجوم” مع الإعلامية إنجي علي على راديو نجوم أف أم.
قالت دينا: ” بسخن جسمي عشان عضلاتي متتعبش وبقول دعاء الله خير حافظًا وهو أرحم الراحمين من أمامي ومن خلفي ومن يميني ويساري وفوقي وتحتي، الله أكبر الله أكبر الله أكبر وكل الناس بتشوفني بعد كدة بطلع على المسرح”.
شاركت دينا في فيلمين هذا العام وهما “الملكة” و”عادل مش عادل” .
تحدثت الفنانة دينا عن تجربتها في تربية ابنها الوحيد بمفردها بعد وفاة والده المخرج سامح الباجوري، مشيرة إلى أن جملة “تربية واحدة ست” ليست مهينة كما يظنها البعض.
قالت دينا: “كل بيوت مصر مربيينهم واحدة ست، مهما كان في رجل في البيت، فهو في عمله طوال النهار، يعود آخر الليل، مابيربيش، كل مصر مربياها ست”، وذلك حسب تصريحاتها لبرنامج “الستات” الذي تقدمه كل من سهير جودة ومفيدة شيحة عبر شاشة “النهار”.
وتابعت: أما في حالات الانفصال، وإيه اللي خلاه مش موجود؟ ما ياخد أولاده خميس وجمعة يربيهم؟ هو مش عايز يبقى موجود لو عايز أهلا وسهلا، ياخد الولاد يربيهم يشوف إيه اللي حاصل طول الاسبوع ويقومهم في اليومين، عدم وجود الأب صعب جدا، وصعبة على الأم، ودوما أنصح صديقاتي ماتطلقيش ولادك لما يوصلوا 12 سنة مش هتقدري عليهم.
وأضافت: أنا أم صارمة جدًا، ابني مش مرفه، ومحطتوش في سكة إنه يبقى مرفه، خليته يعتمد على نفسه، لأن أنا بعتمد على نفسي لحد انهاردة، وأنا معملتلوش أنا عملت لنفسي، هو يعمل لنفسه.
Leave a Reply