توفي المغني والملحن محمد رحيم في الساعات الأولى من السبت 23 نوفمبر الجاري.
وكان الفنان محمد رحيم تعرض لوعكة صحية منذ أشهر، في يوليو الماضي، كشفت أنوسة كوتة مدربة الأسود، زوجته عن دخوله العناية المركزة بعد تعرضه لأزمة صحية خلال الساعات القليلة الماضية.
ونشرت كوتة صورة مع محمد رحيم من داخل العناية المركزة عبر حسابها الرسمي على Facebook وعلقت: “ألف سلامة عليك يا حبيبي، مش معنى أننا في العناية أننا منتصورش”، وانهالت عليها التعليقات من قبل متابعيها الذين حرصوا على الاطمئنان على صحته.
وفي فبراير 2024، أعلن محمد رحيم اعتزاله، وبعدها تراجع عن قراره، ونشر مقطع فيديو عبر حسابه الرسمي على “انستغرام” وقال: “أنا مش هقولكم غير إني بكيت بالدموع من كتر الإحساس اللي في الرسائل اللي بعتوهالي وهتشوفوا ده بعينكم في ندوة، خلاص يا جماعة أنا هرجع تاني علشان خاطركم إنتوا بس يا أعظم جمهور وعائلة في العالم وربنا ميحرمناش من بعض بعض أبدًا”.
وأنهى تعليقه: “بشكركم جدًا على سؤالكم المستمر عني أنا محظوظ بوجودكم في حياتي وآسف جدا جدا لو كنت زعلت أي حد وإن شاء الله هرجع تاني بطاقة أكبر علشان أحاول أسعدكم بكل الطرق والأشكال ورمضان كريم”.
يذكر أن محمد رحيم من مواليد ديسمبر 1979، ومن أشهر الأغاني التي قدمها “وغلاوتك” و”لو عشقاني” لعمرو دياب و”أنا لو قلت” لمحمد فؤاد و”الليالي” لنوال الزغبي و”آه يا ليل” و”يا ليل” لهشام عباس و”صبري قليل” و”أنا في الغرام” و”مشاعر” لشيرين عبد الوهاب و”منازل” و”60 دقيقة” لأصالة و”ياللي زعلان مني” لمحمد حماقي و”يانا يانا” لتامر حسني و”يا حمام” و”قلبي مايشبهنيش” لمحمد منير.
Leave a Reply