كشفت النجمة أروى جودة عن أنها تخطط مع زوجها لإقامة حفلي زفاف، أحدهما في إيطاليا.
وقالت خلال استضافتها في برنامج “أون سيت” المذاع عبر قناة ON: “عمري ما جت في بالي إني هتجوز حد أجنبي. كنت دايما متخيلة نفسي مع حد مصري أو عربي. بس سبحان الله النصيب هو اللي بيختار. هنعمل فرح صغير في إيطاليا للعيلة، وبإذن الله الفرح الكبير والزقططة في مصر، وحضرت فستانين”.
وتحدثت أروى خلال اللقاء عن أبرز طباع زوجها التي جذبتها إليه قائلة: “طول عمري ميالة لفكرة الجواز والاستقرار، بس عمري ما قابلت شخص أحس إني ممكن أكمل معاه. جوزي إيطالي فرنساوي، طباعه مصرية جدا يعني مصري بيتكلم إيطالي. هما مصريين جدا وعندهم نفس الاهتمام وحب العيلة واحترام الأكبر والحاجات دي كلها”.
ونفت أروى جودة أن يكون لديها موقف سلبي من الطباع الشرقية بقولها: “مكنتش بحاول أبعد عن الرجالة المصريين، أنا كنت بدور على حد يفهمني وأفهمه، ويبقى طباعنا شبه بعض. عمري ما كان عندي مشكلة مع الطباع الشرقية، وبحترم غيرة الشخص اللي معايا زي ما أنا ممكن أغير وهو يحترم مشاعري في الحتة دي”.
