خلال الأيام الماضية انتشرت أخبار عن اعتزال الفنانة شيرين عبد الوهاب الغناء وقرارها بالابتعاد.
وفي تسجيل صوتي منسوب لها انتشر عبر صفحات محبيها وداعميها عبر مواقع التواصل الاجتماعي، نفت شيرين عبد الوهاب هذه الأخبار وقالت: “أهلا بيكوا يا حبايب قلبي أنا وصلني أن أنا بعتزل وأنا مودي مش حلو، أنا كويسة جدا وبحضر مفاجأت مختلفة وجديدة هتفرحوا بيها أوي هغنيلكم بس من أماكن مختلفة هفضل أغني لحد ما أموت مفيش اعتزال الاعتزال هو الموت”.
وتابعت شيرين عبد الوهاب: “طول ما أنا عايشة أنا بغني وبحبكم وواصلي حبكم وأنا عايشة بيه وليه واطمنوا عليا أنا مش بستسلم أبدا أه في حاجات جامدة جدا بتحصلي من أقرب الناس ليا مش محاربات لا تكسير وقتل بس أنا جامدة وربنا معايا ومقويني”.
واختتمت شيرين عبد لوهاب كلامها: “أنا بتاعتكم أنتم وعايشة عشانكم أنتم اطمنوا يا حبايب قلبي واستنوا الحاجات الجديدة اللي نازله وبحبكم قد الدنيا وأكتر أنتوا الدنيا بالنسبالي “.
وكانت انتشرت أخبار عن تواجد شيرين عبد الوهاب في أحد المستشفيات الكبرى في إحدى الدول الأوروبية للخضوع لرحلة علاج نفسي بسبب الأزمات التي مرت بها مؤخرا.
