حلو الفن – الشامي يعلن ابتعاده عن الساحة الفنية لفترة لأسباب صحية: بصلح الأشياء الخربانة فيا
أعلن الفنان السوري الشامي ابتعاده عن الساحة الفنية لفترة، موضحًا أنه سينهي ارتباطاته الأخيرة ويغيب عن جمهوره.
وكتب الشامي عبر خاصية القصص القصيرة في حسابه على Instagram قائلا: ” لأني مش حابب اختفي فجأة أقل واجب أوضح لكم خلال الشهر القادم رح ينزل باقي الألبوم وهي 6 أغاني مع بعض، إن شاء الله تحبوهم مثل ماحبيتو يلي نزلو”.
وتابع الشامي: “رح تكون آخر حفلة مع بعضنا حفلة بيروت ومضطر ابتعد عن الفن فترة مش قادر حددها ولكن إن شاء الله مش طويلة لأسباب صحية وغير صحية مش حابب صرح عنها”.
وأضاف: “رح ودعكم بحفلة الكويت وبيروت ونغني مع بعض وتذكروا إني بحبكم كتير وممنون لكل النجاحات يلي عملناهم مع بعض بهل 4 سنين وبس أرجع إن شاء الله رح نكفي نجاحات، سامحوني، إن شاء الله تحبوا الألبوم بحبكم”.
وتلقى الشامي تعليقات كثيرة من جمهوره الذي عبر عن قلقه عليه مما اضطره للرد على رسائل محبيه.
وقال الشامي: “يا جماعة رايح اخد بريك وراجع وبهل فترة بحضر لكم ألبوم جديد وقصص جديدة وبصلح الأشياء الخربانة فيني مش رايح للحرب بلا دراما انت وياه، نطروني لانو قاعد ع قلبكم وقلبهم، وأصلا في ألبوم وحفلتين جايين بشوفكم فيهم”.
