حلو الفن – الإعلامي طارق سويد يكشف حقيقة ما حصل في مهرجان الزمن الجميل مع الفنانة السورية رغدة

كرّم مهرجان الزمن الجميل بنسخته الثانية، مجموعة كبيرة من عمالقة الفن في العالم العربي، غير أنّ الإعلام والصحافة سلّطت الضوء بشكل كبير على الممثلة السورية  رغدة و تصرفاتها غير اللائقة التي أثارت إستغراب الجميع، غير أنّ منظم المهرجان د. هراتش سغبازريان فضّل إلتزام الصمت بالرغم من التحليلات الكثيرة التي كتبتها بعض الوسائل الإعلامية التي حولت الموضوع من الفن إلى السياسة. أخيراً، وبعد أيام من إلتزامه الصمت قرر الإعلامي طارق سويد الكشف عن تفاصيل ما حدث وما جعل ردة فعل الممثلة تظهر بهذا الشكل، فنشر على صفحته الخاصة على موقع التواصل الإجتماعي “فيسبوك”.

حيث كتب  : “التزمت الصمت هكذا يوم بما يخص موضوع الممثلة رغدة و ردة فعلها بمهرجان الزمن الجميل و اللي عملتو من بهدلة بحق نفسا قبل ما يكون بحق لبنان اللي حب يكرما لأنا فنانة من الزمن الجميل ، و بتصور انو الموضوع ما عاد يحمل ضل ساكت…يلي صار هوي، بنص الاحتفال و من بعد ما طلعت الفنانة رغدة عالمسرح وقت تكريم الفنان المحترم دريد لحام و ما بعرف ليش طلعت و شو عملت..من بعدا، بتطلب الفنانة القديرة انو هي يكون تكريما بالأخر و انو انا قول جملة ” مسك الختام مع الكبيرة رغدة” و بما انو برنامج التكريم معد من اسابيع، و بما اني عديت الحلقة بطريقة اني اختم مع عمالقة عمرن الفني اكبر من عمر رغدة بكتير، و اللي هني ممثلين فرقة صلاح تيزاني، ابو سليم و فرقتو..طبعا” رفضت اني اختم مع غيرن لأن صار وقت حدن منا يعطين حقن و يقدرن، و بالعربي قلت يا بختم مع ابو سليم و فرقتو متل ما مفروض و متفقين من قبل، يا بنسحب..الفنانة القديرة ما هما مين ابو سليم لإلنا و بدل ما تقدر تكريمنا الها و كل الاحترام اللي شافتو منا و من اللبنانيي، قررت تفش خلقا عالمسرح، من بعد ما اخدو وقت عم يقنعوها تطلع عالمسرح من بعد ما ذكرنا اسما…و هون كانت المفاجئة، انا قررت تحول الموضوع لموضوع سياسي وهمي، و تقول انو تم منعا تحكي مدري شو، و تشبق الجايزة عالمسرح، و تقول انو عندا منا كتير و مش عايزتا، و تصرخ بوجنا و تخوت علينا و تقلل احترام معنا…خلاصة الموضوع، ايه نعم بكل فخر، انا لبناني اسمي طارق سويد و انا اللي قلت لاء ما حدن غير ابو سليم و فرقتو بكونو مسك الختام متل ما مقررين مسبقا” او بنسحب، و اللي عندو مشكلة بالموضوع يحاسبني أنا…
طارق سويد“.