أنا من بلاد خلقاني هدية
رب الكون أنعمها عليي
عطاني من جمال الروح أكتر
وسخّر كل شي بالكون ليي
أنا بنت الوفا الأجمل وأشطر
بفلسفة الأمور الواقعية
إذا مرة قصدتو مرج أخضر
أنا للمرج أغصانو الندية
واذا كان الندي عالورد بكّر
أنا النفحة أنا النسمة الطرية
وإذا روض الورد بكير زهّر
أنا الوردة بقلب المزهرية
أنا شهد القفير لما تسكّر
النحل بيشوف حالو كتير فيي
أنا حبة القمح لما بتصغر
رغم سني شبعت الأكثرية
الدهر حول حياتي طحين أصفر
وصرت بالبيت عجناتو الوفية
خبزت روحي وصرت خبز المقمّر
عا صاج التضحية حملت القضية
تا إطعم من حياتي شعب غيير
مفاهيم الحروف الأبجدية
أنا لي صرت إم كتير بفخر
إني حملت تسع شهور حتى
جيل الشعر يتربّى عا ديي
Leave a Reply