حلو الفن – كنّا و.. صرنا – بقلم الشاعرة ندى عياش صادق

مرة عا شاطي حبنا رسينا
وعا قلوب ملياني هوا قسينا
وعدنا الزمان نكون متفقين
عالهجر حتى بعضنا نسينا
عشنا المآسي وعالهجر تشرين
هرهر وراقو من مآسينا
كنا سوا بالعشق مجبولين
وياما عا شاطي حبنا رسينا
كنا متل طيرين مبسوطين
ريش المحبة كان يكسينا
فجأة انتهينا بقهر مجبولين
والحزن خيم عا حواسينا
وصرنا عا كاس الموت مجبورين
مدري لأنو ما بقي محبين
مدري بصدر العشق هالسكين
عرا المحبة من مراسينا