حلو الفن – فيفي عبده تحذر متابعيها على مواقع التواصل الاجتماعي

عبرت الفنانة المصرية فيفي عبده عن إستيائها الشديد من الحسابات المزيفة التي تحمل إسمها على موقع “الفيس بوك”.

الفنانة المصرية أكدت أنها لها صفحة رسمية وحيدة على هذا الموقع، حيث قالت: ” أنا بأسف جدًا يا جماعة، بس أنا لغيت كل الصفحات والـ غروبات اللي باسمي على الفيسبوك واللي يتابعني ويعرف أخباري من هنا على صفحتي الرسمية”.

وأضافت: “أنا اساساً مليش أي علاقة بالـ غروبات ولا عمري كنت بتابعها، واللي عايز يراسلني هنا على صفحتي الرسمية لأن كل ما هو جديد على صفحتي، وأي صفحة تانية يا ريت كله يبلغ عنها، لأن كان في غروب اتعمل باسمي أنا مكنش ليا أي علاقة به ولا بأي حاجة كانت بتنزل عليه”.

واختتمت كلامها بقولها: “أنا عمري ما تابعت غروبات، وللأسف أنا اكتشفت ده دلوقت.. متشكرة جدًا لكل أحبائي والمعجبين وحسبي الله في كل اللي بيفكر في أذيتي بعد مجهود سنين.. بحبكم أوي، خمسة أمواه”.

يذكر أن فيفي عبده بدأت حياتها الفنية كراقصة فنون شعبية في فرقة “عاكف”، وهربت من أهلها حين عارضوا فكرة عملها في مجال الرقص.