شنت النجمة نيكول سابا هجومًا لاذعًا على منتقدي ظهورها بدون مكياج وبدون تسريحة شعرها، قائلة: “أنا مبسوطة بحالي وعلى طبيعتي.. ! تعلموا الذوق وبعدين علقوا”.
ونشرت نيكول، عبر حسابها على انستغرام، صورة لها بدون أي مكياج، صحبتها بتعليق: “هالرسالة لبعض يلي ما بيفهموا مش للكل وما عم عمّم، يعني إذا هيك وشفتوني ساحرة على انو شعري بدو تزبيط على شمطاء على ما بعرف شو بلا بلا، يبقى اسمحولي قلكن انكن بلا نظر، الموضوع ببساطة انتو تعودتو على الأشكال المصفصفة وميت اكستنشن على عشرين كيلو رموش على 15 كيلو بويا وميك اب والف فيلتر!! انو بلا ميك اب ما بيعجب وبلا مساوي شعر ما بيعجب، ما فالحين الا بالانتقاد عالرايح والجايي”.
وأضافت نيكول: “ايه ارتاحو أنا مبسوطة بحالي وشايفة حالي وما مصدقها عالقليلة، أنا على طبيعتي وهيك رح ضل، بعدين يا أذكياء إذا الواحد قاعد بحجر منزلي مينيموم يكون على طبيعتو ومش مصفصف ببيتو!! فهمتوا ولا بعد يا مزوقين انتو! تعلموا الذوق وبعدين علقوا، لانو أنا لما كنت أعرف فيه كنتو انتو بعدكن عم تتعلمو تقروا شو معنى الكلمة، وهاي الصورة عن جديد رح حطها وبذات اللوك لأنو كتير بحبها”.
Leave a Reply