حلو الفن – نادين نسيب نجيم عقب إصابتها في انفجار بيروت: بشكر ربي لأنه أعطاني عمرًا جديدًا.. شاهد

طمأنت النجمة نادين نسيب نجيم  جمهورها ومتابعيها على حالتها الصحية وسلامة أولادها، بعد تعرضها للإصابة نتيجة انفجار المرفأ في العاصمة بيروت، أمس الثلاثاء، مؤكدة أنها أجرت جراحة في المستشفى لمدة 6 ساعات ونصف، وأنها تشكر الله لإعطائها عمر جديد، واصفة الانفجار وكأنه قنبلة نووية.

View this post on Instagram

بشكر ربي أولاً رجع خلقني وأعطاني عمر جديد الانفجار كان قريب والمنظر مش متل الحكي فعلاً يلي بيفوت عل بيت وبيشوف الدم وين ما كان وكل شي مكسر ما بيقول انه بعدنا عايشين الحمدالله الف مرة عطاني القوة انزل ٢٢ طابق حافية مغطسة بالدم تقدر خلص حالي الناس كلها مدممة جرحى قتلى سيارات مكسرة ناس عم تصرخ وتبكي وقفت سيارة قلتله دخيلك ساعدني كان ابن حلال وصلني على اول مشفى رفضوا يستقبلوني لانه كانت مكدسة بالجرحى رجع اخدني على مشفى المشرق اسعفوني وخضعت لعملية ٦ ساعات لانه نص وجهي وجسمي مدمم بس يلي شفته عل ارض صعب كتير ينوصف فعلاً وكأنه قنبلة نووية شكراً يا رب انك حميتني وحمدالله ولادي بخير وسلامة ما كانوا بالبيت بشكر الله كل لحظة ويا رب ترحم الموتى وتشفي الجرحى 🙏🏻🙏🏻

A post shared by Nadine Nassib Njeim (@nadine.nassib.njeim) on Aug 4, 2020 at 11:43pm PDT